Mbrëmë me kërkesë të Prokurorisë të Posaçme kundër Korrupsionit dhe Krimit të Organizuar u arrestua sekretarja e Përgjithshme e Ministrisë e Shëndetësisë, Joana Duro. Arrestimi i Duros është bërë në kushte të flagrancës për akuzën e “korrupsionit”.
Bashkë me të u arrestua edhe një tjetër punonjëse e Ministrisë së Shëndetësisë, Laureta Sheto. Emri i Duros nuk është i panjohur.
Pak kohë më parë, Duro është gjobitur me 30 mijë lekë nga kryekomisioneri i KQZ-së, Ilirjan Celibashi pasi ajo kishte shkelur kodin zgjedhor, duke përdorur faqen zyrtare të institucionit në Facebook, për shpërndaje të sloganeve politike të Partisë Socialiste.
