Në komisionin e Jashtëm janë zhvilluar dëgjesat me kandidatët për ambasadorë. Mes tyre ishte ish-deputeti socialist, Ervin Bushati, që është propozuar për në SHBA. Deputetët demokratë, Agron Gjekmarkaj dhe Tomor Alizoti nuk u shprehën dakord me këtë propozim të qeverisë duke kërkuar një figurë më serioze.
“Mbreti Zog çonte Konicën, tani kemi një drejtues të PS-së, që çohet ambasador në Amerikë. Sot duhet të kishim përfaqësues….nuk është personale, duhet të kishte përfaqësues më serioz dhe të lartë, antikonformist, si Konica me Mbretin Zog. Gjithsesi, unë në këtë post të lartë do të isha dakord për zotin Bushati, diku tjetër, por jo në Amerikë” tha ai.