Kryeministri i Kosovës, Albin Kurti për mes një postimi në llogarinë e tij në Twitter ka reaguar për rrëmbimin e 3 policëve kosovarë.
Kurti ka kërkuar lirimin e menjëhershëm të policëve duke e dënuar aktin e rrëmbimit të policëve kosovarë.
Po ashtu ai ka kërkuar nga ndërkombëtarët që të denoncojë këto akte.
”Tre policë të Kosovës janë rrëmbyer sot nga Forcat e Armatosura të Serbisë brenda kufijve të Kosovës. Si inkursioni i forcave ashtu edhe rrëmbimi janë akte të hapura agresioni ndërkombëtar. Ne bëjmë thirrje për lirimin e menjëhershëm të oficerëve dhe që komuniteti ndërkombëtar të denoncojë këto akte”, ka thënë Kurti.
