Emilio Çiko, drejtor i Shkencave Politike, i ftuar në “5 Pyetjet” nga Ilir Babaramo u shpreh se lëvizja e Wagner ishte e pritshme, duke pasur parasysh ankesat e vazhdueshme të këtij grupimi ndaj Rusisë, sidomos ndaj ministrisë së saj të mbrojtjes por edhe kreut të kësaj ministrie, gjithashtu edhe të shefit të shtabit të ushtrisë ruse.
“Wagner ka pasur vazhdimisht ankesa nda Ministrisë së Mbrojtjes ruse, konkretisht ndaj ministrit dhe shefit të shtabit të ushtrisë ruse. Ka pasur përplasje që nuk lidhen vetëm me pjesën e armatimit ose jo, por edhe në lidhje me pushtetin, vazhdimësinë dhe rëndësinë që do ketë Wagner edhe pas fundit të konfliktit në Ukrainë.
