Ish-Komandanti i Ushtrisë Çlirimtare të Kosovës, Rrustem Mustafa është ftuar për të dëshmuar nga Zyra e Prokurorit të Specializuar.
Lajmin e ka konfirmuar vetë Mustafa për Gazetën Express. Ai ka thënë se do të udhëtojë për në Hagë, javën e ardhshme.
“Po, e vërtetë është. Do të udhëtoj javën që vjen”, ka thënë Mustafa kur është pyetur për këtë çështje.
Sipas kalendarit gjatë javës së ardhshme vazhdon gjykimi ndaj Pjetër Shalës.
Nga 10 korriku deri më 20 korrik vazhdon pastaj gjykimi ndaj ish-krerëve të UÇK-së, Thaçit dhe të tjerëve.