Në një video që po bën xhiron e rrjetit duket një përleshje mes pasagjerëve në një fluturim Maltë-Britani.
Dy burra u përleshën me njëri-tjetrin ndërsa pjesa tjetër e pasagjerëve të aeroplanit mbetën të shtangur.
Kur e kuptuan se çfarë po ndodhte, disa prej tyre u përpoqën të ndanin dy burrat e inatosur, të cilët kishin dalë jashtë kontrollit.
Sipas DailyMail, sherri nisi kur njëri nuk e la tjetrin të kalonte në sediljen e dritares.
“Britaniku nuk e la amerikanin të kalonte në ndenjësen e dritares dhe më pas shkëmbyen disa ofendime përpara se të shpërthente një sherr,” tha një pasagjer.
