Në Tropojë janë arrestuar dy 23-vjeçarë me iniciale B. A., dhe N. Ç., të dy banues në fshatin Sopot pasi gjatë kontrollit në automjetin me të cilin ata qarkullonin, u gjet një sasi lënde e dyshuar kanabis stiva, e ndarë në doza të gatshme për shitje, si dhe një shumë eurosh, që dyshohet se ishte përfituar nga kjo veprimtari kriminale.
Po ashtu gjatë kontrolleve në banesën e shtetasit N. Ç., u gjet një armë zjarri pushkë dhe municion luftarak. Arma e zjarrit, municioni luftarak, dozat e lëndës narkotike dhe shuma e eurove u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Kukësit, për veprime të mëtejshme.
