Një 70-vjeçar nga Berati ka ndërruar jetë dy ditë më parë në Spitalin Ushtarak, ku ishte nisur me urgjencë nga Spitali Rajonal i Beratit.
70-vjeçari Pëllumb Dollani, punonte si murator në Berat, edhe pse në moshën e tretë.
Gjatë punimeve në një banesë në periferi të Beratit, ai ka prerë aksidentalisht këmbën me troko dhe është transportuar fillimisht drejt spitalit të Beratit dhe më pas drejt Spitalit të Traumës,për shkak të gjakderdhjes.
Policia Berat nuk ka dhënë asnjë informacion zyrtare në lidhje me këtë ngjarje aksidentale, por mësohet se Dollani gjeti vdekjen sapo mbërriti në Spitalin e Traumës në Tiranë, ndërkohë qe dje është përcjellë për në banesën e fundit.
