Dy persona janë arrestuar pasi dyshohet se kanë gjuajtur me armë zjarri në një ceremoni dasme në Gjilan, sipas njoftimit të policisë së Kosovës.
Në lidhje me rastin prokurori i shtetit ka urdhëruar që ndaj dy të dyshuarve të ngrihet akuza për veprën penale “Mbajtja në pronësi, kontroll ose posedim të paautorizuar të armëve’”.
“Njësitet policore kanë arritur që të lokalizojnë vendin e ngjarjes ku kanë takuar dy të akuzuarve R.I. dhe F.S., të cilët dyshohet se gjatë një dasme kanë shtënë me armë zjarri”, thuhet në njoftim.
Policia bën të ditur se janë sekuestruar dy armë zjarri, njëra e llojit Walther e kalibrit 9 mm dhe tjetra e llojit Zoraki 917-T si dhe tri gëzhoja të kalibrit 9 mm.
