Ditën e sotme policia kufitare e Vlorës dhe ajo në Dhërmi kanë ndihmuar 4 pushues pasi ishin bllokuar në vendin e quajtur “Shpella e Haxhi Aliut”.
Mësohet se shkak i bllokimit ishte një defekt që kishte pësuar skafi.
Menjëherë pas marrjes së njoftimit policia ka bërë të mundur lokalizimin e pushuesve dhe i kanë shoqëruar me mjetin e Policisë në Triport.
Sipas njoftimi të policisë pushuesit janë në gjendje të mirë shëndetësore.
Po gjatë ditës së sotme policia kufitare në Dhërmi ka ndihmuar një mjet tjetër që kishte pësuar defekt duke e nxjerr në breg.
Policia e Kufitare e Vlorës është e angazhuar maksimalisht në shërbim të qytetarëve dhe të vizitorëve, për të krijuar një ambient sa më të sigurt.
