Me Sali Berishën ndodh shumë rrallë të bie dakord. Mesa duket për këtë vit ndodhi tani në pikun e vapës.
E pra unë jam plotësisht dakord me këtë që i ka thënë sot për atë që po ndodh në Akademinë e Shkencave.
“Kjo që ndodh me Akademinë e Shkencave është identike si ngjarje me atë që ndodhi në lokalin e Borizanës. Atje mafia i vuri minat gurores së vetë dhe fshatit, dhe pastaj rrëmbeu shkopinjtë e bejsbollit për të terrorizuar banorët që u prishën shtëpitë”.
Në atë institucon, pasi e shkëmbeu me partizën që kishte Gjinushi në pronësi, nuk po pyesin as për ligj, as për procedura, as për kushtetutë.
Gjinushi kerkon të vazhdojë të jetë kryetar – kjo është e padiskutueshme dhe të gjitha të tjerat bëhen e ribehen në shërbim të saj. Ndryshohet ligji posacerisht, me urgjence, tejkalohet afati i zgjedhjeve, mbaron mandati, e serish ai e ata rrine ne detyre….
Unë të gjitha i kuptoj, por një pytetje e kam ende: Po cipë a keni, një fije, vetëm një fije? Profesorë, akademikë, a çfarë dreqin jeni? A keni një fije përgjegjësi për çfarë jeni e përfaqësoni? A e pyesni ndonjëherë të vetme veten: Kush jam e çfarë po bëj per kete vend?
Po kaq farë e keqe paskemi qenë sa një njeri, një të vetëm, s’e kemi prodhuar dot që ta hipim “atje lart” e të themi: Jë më në fund, një njeri që mund të shërbejë si model i mirë.
