Goditet në Himarë një grup kriminal që vidhte dhe grabiste shtëpitë. Zbardhen vjedhjet në 3 vila, në Dhërmi dhe në Golem, Kavajë. Dy persona janë arrestuar dhe një është në kërkim. Tre hajdutët janë me precedentë të theksuar kriminal për vjedhje, brenda dhe jashtë vendit.
@5pyetjet.al Kamera copë- copë! Momenti kur “hijet e natës” boshatisin vilat në Himarë #vjedhje #hajdute #skiftere #vila #VIP ♬ original sound – 5pyetjet.al
Të arrestuarit janë Silver Koçi 31 vjeç, me precedent të theksuar kriminal brenda dhe jashtë vendit për vjedhje me dhunë dhe me armë, Spartak Gega 22 vjeç, gjithashtu u shpall në kërkim Armando Psatha 33 vjeç. Para vjedhjeve, pjesëtarët e grupit kriminal shkatërronin kamerat e sigurisë, që të mos identifikoheshin.
“Strukturat hetimore të Komisariatit të Policisë Himarë, menjëherë pas njoftimit të marrë për vjedhjen në dy vila në një kompleks banesash në pronësi të shtetasve A. D. dhe L. D., si dhe tentativën për vjedhje në një banesë në afërsi të kompleksit, në orët e para të mëngjesit të datës 22.07.2023, kanë organizuar punën dhe në bashkëpunim me Prokurorinë, kanë kryer hetime të thelluara proaktive për zbardhjen e këtyre rasteve.
Në cilësinë e provës materiale u sekuestruan: 3180 euro, 100 franga zvicerane, 140 dollarë, 110 paund, 10 000 mijë lekë të rinj, një automjet tip “Smart”, 3 celularë dhe veshjet e përdorura nga autorët, gjatë vjedhjeve.
Në vijim të operacionit u bë e mundur zbardhja dhe dokumentimi i vjedhjes në banesën e shtetasit A. H., në Golem, Kavajë, vjedhje e kryer dy ditë më parë, po nga pjesëtarët e këtij grupi, të cilët kanë marrë një shumë të konsiderueshme vlerash monetare në euro, paund, dollar dhe lekë” njofton policia.
