Partia Demokratike zyrtare sot është në zgjedhje për kryetarin e ri. Në garë janë Lulzim Basha dhe Gjergj Hani.
Brenda PD-së zyrtare, partia është e çarë, pasi pak ditë më parë sekretari i përgjithshëm Gazment Bardhi mblodhi Këshillin Kombëtar dhe anuloi procesin. Por grupi i Bashës u shpreh i vendosur për të vijuar përpara.
Deputeti i PD-së Agron Gjekmarkaj ka ironizuar procesin. Ai shkruan se vetë vulosja ecën përpara. Sipas tij, shpikja e votuesit imagjinar nuk ishte parashikuar as nga Bill Gates.
“Vetë Vulosja ecën përpara. Pa top, pa portë, bën golin e vet -feston, brohoret dhe në fund i rras një vulë- fap. Shpikja e votuesit imagjinar nuk ishte parashikuar as nga Bill Gates. Qerratai ynë e bëri”, shkruan Gjekmarkaj.
