Parada vjetore e Ditës së Marinës së Rusisë u mbajt sot në Shën Petersburg, me marinarë dhe veteranët që treguan fuqinë detare të vendit.
Presidenti rus Vladimir Putin mbajti një fjalim të shkurtër ku tha se marina planifikon të blejë 30 anije të reja këtë vit për të rimbushur flotën.
“Rusia po zbaton me besim detyrat në shkallë të gjerë të politikës kombëtare detare, duke rritur vazhdimisht fuqinë e flotës së saj,” tha ai.
Sipas zëdhënësit të Kremlinit, Dmitry Peskov, katër krerët e shteteve afrikane që qëndruan në Shën Petersburg pas një samiti Rusi-Afrikë, iu bashkuan Putinit për paradën.
Festimi i Ditës së Marinës Detare nisi në vitin 1939. Fillimisht u mbajt më 24 korrik, më pas u ndryshua në të dielën e fundit të korrikut në 1980. Paradat më të mëdha mbahen në qytetet kryesore portuale të Rusisë.
Një nga traditat kryesore të festës është ngritja solemne e flamurit të Shën Andreas, simboli i Marinës Ruse.
