Deputeti i Partisë Demokratike, Saimir Korreshi, ka denoncuar publikisht gjendjen e shkollës në fshatin Mizë, e cila është totalisht e amortizuar dhe e pabanuar.
Në një postim në rrjetet sociale, Korreshi theksoi se, pavarësisht protestave të banorëve dhe nxënësve që kanë zgjatur për vite me radhë, nuk është ndërmarrë asnjë hap për përmirësimin e kushteve.
Sipas tij, fëmijët janë detyruar të ndjekin mësimin në shkolla të fshatrave fqinjë, si Kryekuq dhe Divjakë, duke përballuar kosto dhe humbje kohe.
Postimi i Korreshit:
Shkolla Mizë, ky premtim i madh Qivirritar vazhdon të jetë në kushte mizerabel.
Familjet dhe fëmijët 4 vite më parë protestuan se donin shkollen e tyre sa më shpejtë, por edhe pas 4 vitesh ju ftoj të shikoni degradimin që ka kjo shkollë.
Fëmijët shkojnë në fshatrat ngjitur Kryekuq dhe në Divjakë duke u shtuar kosto familjeve, por edhe kohë.
Nderkohë që po të shohim në rrjete sociale, konkretisht ne Facebook, kjo shkollë rezulton të jetë efektive në letra, por nuk dimë ku e ka selinë.
