Pak para mesnatës së sotme është regjistruar një konflikt mes disa personash në fshatin Pilur të Himarës.
Konflikti mes tyre ka agravuar në përleshje fizike. Në një situatë të tillë një polic i cili ndodhej jashtë shërbimit ndërhyri të qetësonte situatën ku për pasojë u plagos me thikë në qafë nga një 60-vjeçar.
I plagosur ka mbetur 29-vjeçari, Redin Caushaj i cili ndodhet në gjendje kritike për jetën.
60-vjeçari Thodori Mërkuri i cili plagosi të riun është larguar menjëherë duke përfituar nga errësira.
Në ndjekje të tij janë vënë shërbimet e Komisariatit të Policisë Himarë, grupe të FNSH dhe të forcave operacionale të DVP Vlorë.
Ndërkohë është ngritur grupi hetimor dhe vijon punën për dokumentimin ligjor të kësaj ngjarjeje.
