Të paktën 10 persona kanë mbetur të plagosur si pasojë e një aksidenti që ka ndodhur dje në fshatin Novolan të Vushtrisë në Kosovë.
Të lënduarit janë dërguar për trajtim mjekësor në spital dhe ndodhen jashtë rrezikut për jetën.
Po ashtu nga ky aksident llogariten dëme të konsiderueshme materiale mes tri automjeteve të përfshira në ngjarje.
Autoritetet kanë nisur punën për zbardhjen e plotë të rrethanave të këtij aksidenti.
“Raportohet për një aksident trafiku në mes tre automjeteve me ngasës meshkuj kosovarë. Përveç dëmeve materiale lëndime trupore kanë pësuar 10 (dhjetë) persona të cilët kanë pranuar trajtim mjekësor. Lidhur me rastin është njoftuar prokurori, rasti në procedurë hetimore,” thuhet në njoftimin e policisë.
