Dy adoleshentë të moshës 17 dhe 18-vjeç janë shpëtuar nga policia e Shëngjinit pasi mjeti “jet ski” me të cilin lëviznin me mes të detit pësoi defekt mbrëmjen e djeshme.
Pas gjysmë ore kërkimi në det, policia ka lokalizuar rreth 5 milje larg, 17-vjeçarin pasagjer, i cili po tentonte të dilte në breg, me not dhe më pas është lokalizuar 18-vjeçari, drejtuesi i mjetit që kishte pësuar defekt më zonën e Ranës së Hedhun.
Ky i fundit kishte mbetur në det dhe rrezikonte të fundosej dhe pas ndërhyrjes së shërbimeve të policisë i është dhënë ndihma e parë.
Mësohet se të dy adoleshentët që u shpëtuan, janë në gjendje të mirë shëndetësore.