Këngëtarja shqiptare Dua Lipa mbushi dje 28-vjeç dhe festoi këtë moment të rëndësishëm të jetës së saj në Ibiza, në shoqërinë e miqve dhe familjes.
Këngëtarja është gjetur natën e 21 gushtit në një lokal në Ibiza ku është argëtuar me motrën e saj Rina, stilistin e njohur Jacquemus dhe me shumë miq të tjerë.
Dua Lipa duket se e do Ibizën pasi ajo festoi ditëlindjen atje edhe vitin e kaluar. Ajo feston ditëlindjen një ditë pasi shënoi 8 vjetorin e këngës së saj të parë New Love.
Billboard shkroi se ky moment historik është një moment i veçantë për yllin e pop-it për shkak se ishte kënga e parë që ajo publikoi, duke nisur karrierën e saj.
Për të festuar këtë rast, Lipa postoi për New Love përmes Instagram Story të hënën një falenderim të veçantë për njerëzit që ndihmuan në realizimin e këngës.
