Filiali i një banke të nivelit të dytë është grabitur pak pas mesditës në Prishtinë.
Persona të maskuar dhe armatosur hynë në ambientet e bankës që ndodhet në qendër të kryeqytetit dhe dolën prej aty me një sasi parash.
Mësohet se është arrestuar një person në lidhje me këtë ngjarje, ndërkohë që një tjetër është shpallur në kërkim.
“Personi i dyshuar, N.D, mashkull, është arrestuar menjëherë pas raportimit të rastit, pak metra larg nga vendi i ngjarjes. Lidhur me këtë rast policia është në kërkim të personit të dytë të dyshuar, i cili aktualisht ndodhet në arrati,” deklaron policia e Kosovës.
