KQZ ka vendosur të regjistrojë PD-në e drejtuar nga Lulzim Basha në zgjedhjet e 24 shtatorit në Kukës për bashki.
Kreu i KQZ-së, Ilirjan Celibashi tha se kërkesa e Bashës plotëson kërkesat e Kodit Zgjedhor dhe ligjit për partitë politike.
Celibashi tha se KQZ e ka të pamundur të bëjë shqyrtim të procesit vendimmarrës të një partie politike dhe se është e detyruar të shohë kërkesën në aspektin formal.
“Basha ka legjitimitetin të paraqesë kërkesën për regjistrim në zgjedhje si subjekt zgjedhor,” tha Celibashi.
Partitë politike kanë afat deri më datë 8 shtator për të regjistruar kandidatët e tyre.
Basha është shprehur se do ta lërë në dorë të Degës së Partisë Demokratike në Kukës, ndërsa përflitet se kandidat do të jetë Arif Rexhmati.