Ministria e Arsimit për shkak se ka ende nxënës të paregjistruar, sipas tyre, ka marrë vendimin për shtyrjen e afatit për regjistrimet në klasat e para dhe të dhjeta.
“Në vijim të shkresës së Ministrit të Arsimit dhe Sportit me numër 5131/2 prot datë 06.09.2023, për regjistrimet në institucionet e arsimit parauniversitar për vitin shkollor 2023-2024, me qellim krijimin e mundësisë se regjistrimit për të gjithë nxënësit, sistemi e-albania do të qëndrojë i hapur deri më datën 10.09.2023. Ju lutemi të njoftoni prindërit ose kujdestarët e nxënësve që ende nuk janë regjistruar që të aplikojnë sa më shpejt për regjistrim,” thuhet në njoftim.
Afati i fundit i regjistrimeve, ka qenë deri më datë 1 shtator, më pas u shty deri më 4 dhe tani nxënësit do të kenë sërish kohë për regjistrime deri më datë 10.
