Këngëtarja shqiptare, Bebe Rexha pranon se ndien ankth dhe stres për të shkuar në tapetin e kuq të MTV Video Music Awards 2023, për shkak të shtimit në peshë.
Ajo publikoi një video për rreth 8.5 milionë ndjekësit e saj në TikTok, e cila u titullua “Ankthi është i mjerueshëm”.
“Jam shumë e shqetësuar dhe e stresuar për të shkuar në tapetin e kuq dhe, me sa duket, njerëzit flasin për peshën time. Sepse nuk po e dua vërtet veten tani,” tha Bebe.
E nominuara për çmimin “Bashkëpunimi më i mirë” në MTV VMA 2023, iu kërkoi fansave të saj “ndonjë këshillë dhe truk motivues” dhe tha se mund të ishte në tapetin e kuq të martën në Qendrën Prudential në New Jersey.
Ajo tregoi se ndihej “shumë mirënjohëse dhe e bekuar” që u ftua në ceremoninë e ndarjes së çmimeve pasi u nominua për çmimin “Bashkëpunimi më i mirë” për bashkëpunimin shumë të suksesshëm “I’m Good (Blue)” me David Guettan, 55-vjeçar.
“E di që kritikat vijnë me territorin, kështu që jam në rregull me këtë pjesë. Dua të them që nganjëherë më ndikon. Unë jam njeri,” thotë Bebe.
