Një 24-vjeçare ka ka ndërruar jetë në Marsejë të Francës pasi një plumb endacak i drejtuar për në një pikë të shpërndarjes së drogës e goditi në kokë brenda në banesën e saj.
Plumbi depërtoi panelin e dritares në dhomën e gjumit të vajzës sipas hetuesve.
“Ajo u shtrua në spital me një plagë të rëndë në kokë dhe në rrezik për jetën. Ajo vdiq në orët e para të së martës,” tha prokurori i Marsejës, Dominique Laurens.
Të shtënat ndodhën në një zonë pranë një farmacie, e njohur për policinë si pikë e shitjes së drogës, shtoi prokurori në një deklaratë.
Marseja është tronditur nga përshkallëzimi i dhunës mes bandave të drogës, duke lënë të paktën 40 të vdekur këtë vit.
