Kanë kaluar gati dy orë që nga starti zyrtar i sfidës mes Rumanisë dhe Kosovës për kualifikueset në Euro2024.
Fillimisht ndeshja u ndërpre në minutën e 18-të për shkak të thirrjeve nacionaliste dhe banderolave me mbishkrimin “Kosova është serbi”.
Megjithatë pas gati një ore që gjyqtari i dërgoi futbollistët në dhomat e zhveshjeve, ndeshja ka vazhduar.
Kosova ka patur dy raste të arta për shënim, me Vedat Muriqin që ishte i pafat pasi topi duke shkuar drejt portës nga vija e largoi një mbrojtës rumun.
Një rast të artë e kishte edhe Edon Zhegrova në minutën e 40-të, por që goditja e tij shkoi jashtë portës.
Megjithatë në minutën e 43-të Dardanët kanë mbetur me një futbollist më pak në fushë pasi Vedat Muriqi u ndëshkua me kartonin e dytë të verdhë dhe u përjashtua nga loja. Kështu 45 minutat e para përfunduan baras 0-0./Telegrafi
