Një aksident është regjistruar ditën e sotme, rreth orës 16:05, në aksin rrugor “Korçë-Pogradec”, pranë kryqëzimit të fshatit Libonik të Maliqit.
Bëhet me dije se drejtuesi i mjetit tip “Audi”, me inicialet R. L., ka humbur kontrollin dhe automjeti ka dalë nga rruga.
Si pasojë e këtij aksidenti janë dëmtuar një 46-vjeçar me inicialet I. V., një 23-vjeçar me inicialet E. Xh., dhe një 17-vjeçar me inicialet O. V., të gjithë banues në Pogradec dhe njëkohësisht pasagjerë në këtë automjet.
Të tre pasagjerët janë dërguar për mjekim në spitalin e Korçës ndërsa me drejtuesin e mjetit po kryhen veprimet e mëtejshme procedurale.
Grupi hetimor po punon për zbardhjen e rrethanave të aksidentit.
