Policia e Durrësit ka goditur një rast të mallrave të kontrabanduara. Në lidhje me rastin është vënë në pranga një 30-vjeçar me inicialet B. N.
Mësohet se në gjatë kontrolleve të një magazinë në lagjen nr. 14, pjesë e banesës së 30-vjeçarit u gjetën 1830 produkte kozmetike kremra dhe vajra për përdorim në plazh të dyshuara të kontrabanduara.
Sipas njoftimit të policisë mallrat nuk kishin faturë përkatëse doganore apo të origjinës.
Këto produkte që dyshohet se ishin magazinuar me qëllim tregtimin me pakicë, në dyqane të ndryshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
