Forcat e KFOR-it janë vendosur në rrugën Mitrovicë- Zveçan. Edhe pse policia pre disa orësh po mundohet të neutralizojë situatën në manastir vazhdon të qëndrojë një grup me persona të armatosur.
Shkëmbimet me armë zjarri mes Policisë dhe sulmuesve janë duke vazhduar. Policia ka njoftuar se tre sulmues janë vrarë dhe një është arrestuar.
Sipas Policisë, edhe katër persona të tjerë janë arrestuar për posedim të armëve, municionit dhe radiolidhjeve.
Dioqeza e Rashkës-Prizrenit ka thënë se është e shqetësuar për shkak se një grup personash të armatosur, të maskuar, kanë hyrë në Manastir të Banjskës me automjet të blinduar, duke thyer portën e mbyllur të Manastirit.
