Qendra Kombëtare e Librit dhe Leximit në Tiranë kishte planifikuar më parë që sot të organizohej një takim me shkrimtaren dhe gazetaren serbe Ivona Djuriç e cila ndodhet në Tiranë momentalisht si rezidente e projektit READ, me partneritetin e Institutin e Librit dhe Promocionin.
Ky takim në fakt njoftohet të jetë anuluar pas ngjarjes së rëndë që ndodhi dje në veri të Kosovës ku një efektiv i Policisë mbeti i vrarë pas sulmeve nga disa persona të armatosur në fshatin Banjska të komunës së Zveçanit.
Mësohet se Djuriç do të zhvillonte një takim me gazetarë të kulturës dhe lexues mbi rolin e medias në kontekste të reja shoqërore e kulturore, dhe ndikimin që ka tek brezi i ri, përvojën e saj në Tiranë, dhe letërsinë bashkëkohore ballkanike.
