Agjencia e Mbikëqyrjes Policore ka arrestuar ditën e sotme oficeren 29-vjeçare, Sulltane Kuka.
Agjencia e Mbikëqyrjes Policore e rajonit Shkodër-Lezhë në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë ka kryer ndalimin e 29-vjeçares.
Arrestimi i saj ka ardhur pasi dyshohet për kryerjen e veprave penale “Shpërdorimi i detyrës”, “Korrupsioni pasiv i personave që ushtrojnë funksione publike” dhe “Ndërhyrja në të dhënat kompjuterike”.
Ndalimi i oficeres së policisë u krye pas marrjes në dijeni të një parregullsie në procedurën e mbylljes së praktikës për heqjen nga statusi ‘Alert’ të mjetit në pronësi të një personi me inicialet L. K.