Presidenti i Serbisë, Aleksandar Vuçiç ka njoftuar se ka zhvilluar një bisedë me Sekretarin Amerikan të Shtetit, Anthony Blinken.
Sipas Vuçiç gjatë bisedës kanë diskutuar rreth ngjarjeve të fundit të regjistruara në veri.
“Kam folur me Blinken ku u pajtuam se shtensionimi është i nevojshëm, një rol më i fuqishëm i KFOR-it, në veçanti në veri”, u shpreh Vuçiç.
Presidenti serb gjithashtu tregoi se ka shprehur kundërshtimin e tij në lidhje me masat kundër Serbisë.
“Mohova gënjeshtrat rreth një shkalle të lartë gatishmërie të ushtrisë serbe. Ne nuk pajtohemi me natyrën e asaj që ka ndodhur në Kosovë. Blinken më foli gjithashtu për disa masa. Unë thashë se jam kundër”, shtoi ai.
