Ilir Beqaj në cilësinë e Koordinatorit Kombëtar të “IPA”-s për Shqipërinë u përball sot në komisionin e Ligjeve me akuzat e shumta nga deputetët e opozitës, jo vetëm për fondet e “IPARD”-it, por edhe dosjet e koncesioneve në shëndetësi.
Disa prej deputetëve të opozitës u shprehën se ish-ministri i Shëndetësisë që është nën hetim shfaqet duke mbrojtur sërish miliona euro.
“SPAK është plot me ministra, zëvendësministra, me deputetë, me Sekretarë të Përgjithshëm. Sërish ju bëni karshillëk, sillni këtu vjedhjen e radhës.
Fondet e BE-së për bujqësinë sot po hetohen në SPAK. Të gjithë deputetët e mazhorancës kanë përfituar nga ato fonde. Turp” deputetja demokrate, Dhurata Çupi.
“Është sfidë morale dhe presion që i bëhet SPAK-ut, fakti që Ilir Beqja vjen dhe mbron këtu një nisëm të Bashkimit Europain. Ilir Beqja është në SPAK për korrupsion”, u shpreh Dogjani.
Edhe deputetja Jorida Tabaku i kërkoi llogari për fondet e BE-së që janë pezulluar. “Çfarë po ndodh me fondet e “IPARD”-it?” e pyeti Tabaku.
Baqja iu shmang duke ia lënë “topin” ish-ministres Frida Krifca. “IPARD”-i menaxhohet në mënyrë indireke nga një autoritet (AZHBR) pranë ministrisë së Bujqësisë, jo nga unë” tha ai.
