Komisioni Qeveritar për Personat e Zhdukur për mes një njoftimi ditën e sotme ka bërë të ditur se gjatë gërmimeve në Bishtazhin të Gjakovës janë gjetur disa eshtra njerëzish.
Sipas KQPZh-së, eshtrat e gjetur dyshohet se i përkasin viktimave të luftës në Kosovë
“Në vazhdën e aktiviteteve gërmuese, gjatë këtyre dy javëve, ekipet tona të KQPZH, IML dhe Policia e Kosovës, me mbështetjen e Ministrisë së Mbrojtjes dhe FSK-së, EULEX-it dhe KNKK, janë duke kryer gërmime në lokacion Bishtrazhin, Komuna e Gjakovës”, thuhet në njoftim.
