Policia e Kosovës për mes një njoftimi zyrtar ka bërë të ditur se është arrestuar një grua nga Shqipëria në Ferizaj.
Mësohet se gruaja është ndalur nga policia për kundërvajtje dhe më pas ajo ka ofenduar dhe dhunuar fizikisht zyrtarët policor.
Ngjarja ka ndodhur ditën e djeshme ndërsa polici i lënduar ka pranuar marrë ndihmë mjekësore në spital.
“Është arrestuar e dyshuara shtetase e Shqipërisë pasi e njëjta ka fyer dhe sulmuar fizikisht zyrtarët policor të cilët e kanë ndaluar pasi kishte shkaktuar kundërvajtje në komunikacion.
Lidhur me rastin, si pasojë njëri nga viktimat ka pranuar tretman mjekësor, ndërsa e dyshuara pas intervistimit me vendim të prokurorit është liruar në procedurë të rregullt”, thuhet në njoftimin e policisë.
