Sali Berisha publikoi ditën e sotme pamjet e atentatit të pretenduar të përfaqësuesit të opozitës, Salvador Kaçaj në Shëngjin në datë 14 Maj, ditën e zgjedhjeve lokale. Në pamje duket një makinë, që sipas Berishës është e Kaçajt, e cila ndiqet nga një tjetër e bardhë dhe që i pret rrugën pranë një karburanti.
Dy persona të maskuar zbresin nga makina e bardhë dhe i drejtohen automjetit që pretendohet nga Berisha se është i Kaçajt. Por po sipas ish-kryeministrit, manovrimi i shoferit, ish-gardist që duket në video që ka qenë i shpejtë, e bëri të pamundur aktin kriminal. Makina kthehet me shpejtësi dhe përmes një karburanti ndryshon kahun duke ikur.
https://5pyetjet.al/2023/10/09/video-ndjekje-dhe-prite-berisha-keto-jane-pamjet-kush-donte-ta-vriste-salvador-kacajn/
