Mbrëmjen e sotme pritet që në fushën e blertë të stadiumit “Air Albania” të zbarkojnë në një ndeshje tepër të rëndësishme kombëtarja shqiptare dhe Çekia.
Në kuadër të kualifikuesve të “Euro 2024” të cilat do të mbahen në Gjermani, Shqipëria pas një performance jashtëzakonisht impresionuese ka emocionuar të gjithë shqiptarët në mbarë botën do të presë në shtëpi Çekinë.
Ndërkohë sonte në një tjetër përballje tjetër të rëndësishme në krah të kombëtares do të jenë tifozat “Kuqezi” të cilët do t’u gjenden pranë çunave të ekipit me shpresën për të marrë një fitore dhe për tu bërë pjesë e një ëndërre si ajo e Europianit.
Përgatitjet për ndeshjet kanë nisur dhe stadiumi ka menduar të surprizojë tifozët me një gjest të veçantë dhe tepër simbolik që do gjenden në tribuna.
Në foton e shpërndarë duken çeleshe në të cilat është stampuar shqiponja. Ato janë vendosur në çdo stol ku do të ulen tifozët e kombëtares të cilët do të jenë të shumtë.
Ajo çfarë mbetet të shihet është nëse ato do të hidhen në qiellin e Tiranës nga festa e një fitore të rëndësishme.
