“Partia Demokratike do të fitojë zgjedhjet në 2025-ën. Pa diskutim, do të fitojë zgjedhjet”. Kështu u shpreh ish-kryeministri Sali Berisha në bashkëbisedimin e përjavshëm me gazetarët në selinë blu.
Pranoi se ka pasur propozime nga deputetët për të themeluar një parti të re për shkak të konfliktit për vulën, por tha se nuk do të pranojë një gjë të tillë.
“Ekzistojnë mendime që përkarshi bllokimit, plaçkitjes së vulës dhe logos nga Rama, partia Demokratike mund të gjejë modalitete të tjera ligjore. Normale si diskutim.
Por mendimi im është ky, që përpara një padrejtësie, njeriu nuk tërhiqet. Ne do të bëjmë një luftë deri në fund me Ramën, që kërkon që të mbajë peng logon tonë me “Lul Pengun” dhe AliBashën, por e drejta është me ne” tha ai.
“Unë ndjek ato që kam deklaruar. Rikthimi i Sali Berishës është realitet jashtëzakonisht i veçantë, gëzohem shumë që po rikthehet edhe kombëtarja jonë. Gëzohem. Rikthimet janë rigjallërime” tha ai.
Fitorja e kombëtares/ Berisha: E patë mbrëmë Ramën në stadium? Nxinte sterrë…
