Palestinezëve që ikën nga jugu dhe ata që janë ende në veri, po mbesin pa ushqim dhe ujë, nuk ka më energji elektrike dhe ata që kanë gjeneratorë me karburant së shpejti do të jetojnë në ndërprerje të plotë. Qasja në internet, përmes së cilës banorët i komunikojnë botës gjendjen e tyre të vështirë, po tkurret gjithashtu.
Mohamed Hamed, një 36-vjeçar banor i qytetit të Gazës, u zhvendos drejt jugut në Nuseirat, një kamp refugjatësh rreth pesë kilometra në veri-lindje të Deir al-Balah për të cilin u tha se ishte i sigurt.
Hamed u largua nga veriu me 30 anëtarë të familjes, duke përfshirë të afërmit e tij të gjerë, katër fëmijët dhe gruan e tij, e cila është mbi tetë muajshe shtatzënë.
“Në këtë situatë, ne kemi frikë se ajo do të lindë dhe nuk do të dinim se ku të shkonim,” tha ai për CNN.
“Nuk ka rrymë, nuk ka ujë. Furrat e bukës po punojnë, por këto janë orët e tyre të fundit, pasi karburanti që u nevojitet po mbaron, ushqimi që kemi mund të na zgjasë një ose dy ditë,” tha ai.
Duke folur për CNN me telefon, Hamed tha se Nuseirat është një zonë e vogël, por ka pritur turma të mëdha palestinezësh të zhvendosur nga veriu.
Uji i pijshëm është i disponueshëm vetëm në shishe me ujë mineral, tha ai, të cilat po pakësohen pasi turmat nxitojnë të grumbullojnë.
“Gjithçka në supermarkete dhe dyqane ishte konsumuar,” tha ai.
Granatimet në Nuseirat janë intensive, por jo aq të këqija sa në qytetin e Gazës, ku lagjet u “shkatërruan plotësisht”, tha ai.
