Policia e Shkodrës ka zbuluar një banesë që ishte kthyer në një ‘shtëpi bari’. Në pranga ranë tre persona, babë e bir dhe nipi i tij, ndërsa janë sekuestruar armë dhe dy jet ski.
Të arrestuarit janë Lorenc Treshi dhe babë e bir, Ded dhe Anton Laca, pasi kultivonin kanabis brenda me llamba. Nën hetim janë edhe kryeplaku, faturisti dhe elektricisti i zonës në Trush.
Në cilësinë e provës materiale u sekuestruan 82 llamba dhe aparate të ndryshme elektrike, 5 aspiratorë, si dhe u morën për ekspertim 123 bimë narkotike që ishin kultivuar në vazo.
