“Sot unë jam Jamarbër Malltezi, burgosje politike. Është ndaluar vetëm sepse është dhëndri i Sali Berishës”. Kështu deklaroi ish-kryeministri Berisha pasi gjykata i bllokoi daljen jashtë vendit dhe e mori në detyrim paraqitje, ndërsa dhëndrin ia arrestoi për dosjen e kompleksit “Partizani”.
“Si përfundim unë them se ndalimi i Malltezit vjen pikërisht kur opozita po bashkohej në Kuvend dhe kur aksioni i saj po i jepte përgjigjen e merituar mazhorancës së dalë nga gryka e armëve të bandës së Bajrëve dhe bandave të tjera të vendit.
Mercenarët e SKAP-it të partisë, që përdoren si kamikazë politike kundër opozitës dhe nga ana tjetër si inceneratorë të provave ulëritëse të korrupsionit dhe inkriminimit të Ramës dhe pushtetarëve të tij, duhet ta kenë të qartë se keqpërdorimi dhe më pas flakja si limona të shtrydhur, nuk do i shpëtojë nga përballja me ligjin dhe drejtësia.
Sali Berisha nuk i është larguar asnjë beteje politike gjatë këtyre 32 viteve. Kjo sfidë vetëm ia rrit bindjen dhe motivimin për t’u përballur me regjimin e krimit dhe korrupsionit të Edi Ramës dhe larove të tij. Aksioni i opozitës së vërtetë nuk ndalet dhe kjo lëvizje e menduar si pengesë për të, vetëm do ta forcojë atë. Ne do vazhdojmë betejën” tha ai.
