Derbi mes Juventusit dhe Milanit ka përfunduar me një fitore për Zonjën e Vjetër. Juve fitoi me rezultatin minimalist 1-0 në kuadër të javës së nëntë në Serie A.
Pjesa e parë u mbyll me raste të shumta për të dy ekipet po pa e gjetur portën. Pjesa e dytë erdhi me ritme të shumta rastesh por vetëm Juventus gjeti portën një herë dhe i dhuroi fitoren.
Ishte minuta e 63-të e takimit kur Timothy Weah asistoi te Manuel Locatelli që goditi nga distanca, ndërsa ajo u devijua dhe u fut në portë.
Golin e gjeni KËTU.
Dy skuadrat u munduan deri në fund që nëpërmjet zëvendësimeve të shënonin gola, por që goli i mesfushorit italian ishte i vetmi.
Juventusi është në vendin e tretë me 20 pikë – dy më pak se lideri Interi, ndërsa Milani në të dytin me një më pak se rivali lokal.