Foto ilustruese
Një aksident i trefishtë është regjistruar në rrugën Prishtinë-Ferizaj. Për shkak të aksidentit mësohet se janë plagosur katër persona.
Aksidenti është regjistruar rreth orës 10:00 në fshatin Babush. Lajmin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.
“Rreth orës 10:00 në rrugën magjistrale Prishtinë-Ferizaj në fshatin Babush të Ferizajt, ka ndodhur një aksident komunikacioni, ku janë përfshirë tri vetura të udhëtarëve dhe veç dëmeve të shkaktuara në të tri automjetet, lëndime trupore kanë pësuar katër persona të cilët me autoambulancë janë dërguar në Qendrën Emergjente në Ferizaj”, tha Veseli.
Ai më tej shtoi se në vendin ngjarjes kanë dalë hetuesit nga Njësia e Hetimeve të Aksidenteve dhe po e hetojnë rastin.
