Policia e Tiranës ka kapur një tjetër grup të shpërndarjes së lëndëve narkotik në afërsi të shkollave.
Mësohet se nga ky operacion u vunë në pranga 5 persona si dhe u sekuestruan 163 doza lënde narkotike kanabis, gati për shitje, 1 grirëse metalike dhe 5 celularë.
Të arrestuarit janë dy 19-vjeçarët me inicialet K. B. dhe M. B., si dhe 20-vjeçari me inicialet F. Z. edhe 18-vjeçari me inicialet B. Z.
Mësohet se në pranga ka rënë edhe një i mitur, 16 vjeç.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
