Ish-kryeministri dhe kreu i AAK-së, Ramush Haradinaj, me anë të një postimi në facebook ka shprehur mbështetje për protestën e studentëve shqiptarë në mbrojtje të gjuhës shqipe në Maqedoninë e Veriut e cila do të mbahet ditën e nesërme në Prishtinë.
Postimi i Haradinajt
Mbështesim protestën e studentëve në kërkesat e tyre të drejta për mbrojtjen e gjuhës shqipe në Maqedoninë e Veriut. Nesër, në ora 14:00, në Prishtinë.
E drejta themelore për përdorimin e gjuhës shqipe, e garantuar me Kushtetutë, është e pacenueshme dhe nuk duhet të vihet në pikëpyetje nga askush. Çdo përpjekje për ta cenuar atë përbën shkelje të rëndë të të drejtave themelore.
Jemi krah studentëve shqiptarë në Maqedoninë e Veriut, në kërkesat e tyre të drejta dhe legjitime.
