Ditën e sotme po zhvillohet seanca e dytë në Gjykatën e Tiranës ku Lulzim Basha në cilësinë e kryetarit të PD-së kërkon regjistrimin e ndryshimeve statutore të Kuvendit Kombëtar që thirri në datë 2 Shtator.
Në këtë proces, gjykata ka njohur si palë edhe “Rithemelimin” e drejtuar nga Sali Berisha, që kundërshton regjistrimet, pasi nuk e njeh Bashën si drejtues të PD-së.
Dy palët janë në një proces edhe për vulën. Gjykata e Apelit prishi vendimin e shkallës së parë duke i hequr vulën Berishës për ta kthyer çështjen në shkallën e parë edhe njëherë për rigjykim.
Ish-kryeministri i bëri rekurs vendimit në Gjykatën e Lartë.
