Arrestohet ish-deputeti Mark Frroku nga policia e Durrësit pas hetimeve për përplasjen që ndodhi ditën e djeshme te Kepi i Rodonit mes disa banorëve dhe përfaqësuesve të kishës.
Ditën e djeshme në zonën e Kepit të Rodonit disa banorë të fshatit Shetaj janë konfliktuar me sende të forta me përfaqësues që pretendojnë se janë të kishës Françeskane.
Paraprakisht, sipas asaj që njoftoi policia konflikti ka nisur gjatë kohës kur përfaqësuesit e kishës po bënin rrethimin e pronës.
Banorët e zonës nuk i kanë lejuar që të bëjnë këtë rrethim. Dy palët pretendojnë pronësinë. Konflikti midis tyre ka agravuar me përdorimin e sendeve të forta, pas konfliktit me grushte.
Në vendngjarje është gjetur dhe 1 gëzhojë arme zjarri. Nga përleshja pati edhe të lënduar. Hetimet vazhdojnë.
Sherr për prona në Kepin e Rodonit, qëllohet me armë zjarri, disa të shoqëruar
