Pas situatës së pakëndshme dhe përleshjeve të regjistruara gjatë seancës së sotme në Kuvend ish-kryeministri, Sali Berisha ka dalë në një deklaratë para gazetarëve të cilët e prisnin jashtë.
Berisha u pyet nëse po e përdor parlamentin dhe deputetët që e mbështesin për betejën e tij me drejtësinë për aferën e ish-kompleksit Partizani.
“Po mbrojmë kushtetutën që është jetike. Të mbrohet kushtetuta nga kriminelë si Edi Rama”, tha Berisha.
“Mazhoranca mund të përjashtojë deputetët por popullin nuk e përjashton dot. Do përdoren të gjitha format e qëndresës parlamentare, ne jemi të vendosur të mbrojmë pluralizmin demokrat”, shtoi më tej ai.
