Aktivisti, Adriatik Lapaj i ftuar tek “5pyetjet” nga Babaramo ka folur në lidhje me situatën politike në vend pas kaosit të regjistruar ditën e sotme në seancën në Kuvend.
Lapaj gjatë fjalës së tij u shpreh se qeveria është problemi pasi e përdor shtetin si pronë private ndërsa opozitën e sheh si gjë të pavlerë.
“Nga e thëna ne te bërë na ndan një det i tërë. E shoh problem qeverinë. Te gjitha këto janë te vërteta qe e kane shoqëruar Shqipërinë gjithmonë dhe ne 2013 kishte blerje vote, me autobus me karta.
Populli e rrëzoi atë që ishte dhe sollën këtë që është tani. Me ujë e krip ke shëllirë me ujë e sheqer del shërbet.
E përdorin shtetin si prone private. E trajtojnë opozitën si gje e pavlere. Nese nuk ka valvula demokratizuese kjo ndodh,” u shpreh Lapaj.
Ai më tej shtoi se vendi ynë nuk ka pasur kurrë demokraci dhe se në këtë Shqipëri ka vetëm hajdutëri.
“Kjo këtu është Shqiperia ne këto 32 vite e vertete mes lidhjes me hajdutërinë. Nuk ka pas demokraci kurrë ky vend.
Kleptokrani une kështu e lexoj,” u shpreh ai.
