Gjykata e Posaçme ka caktuar 2 avokatë të tjerë për çështjen e Laert Haxhiut, teksa u revokua avokatja e caktuar më herët nga shteti Pranvera Doçi e cila tha se për shkak të një fatkeqësie familjare, nuk mund ta ndiqte procesin si dhe për shkak të dosjes voluminoze.
Avokatët e shtetit do të jenë Artan Simoni dhe Edvis Gorishti.
Detar Hysit avokati me prokurë të posaçme nga familjarët e Laert Haxhiut, i rrëzohet kërkesa për dorëheqje nga mbrojtja, ndërsa mosparaqitja e tij këtë të mërkurë në seancë, u shoqërua me ndëshkimin administrativ prej 5 mijë lekësh të rinj.
Gjyqi në GJKKO u shty për datën 17 nëntor në orën 11:00 ndërsa ka mbetur për tu pyetur edhe një dëshmitar nga prokuroria dhe më pas do jetë radha e dëshmitarëve të mbrojtjes.