Një person ndërroi jetë si pasojë e një aksidenti ditën e sotme në Kukës. Drejtuesi humbi kontrollin mbi makinën, e cila u përplas me bordurat në rrugë. Si pasojë e përplasjes së fortë, drejtuesi vdiq në vend, pasagjeri u plagos.
“Rreth orës 13:50, në autostradën Morinë-Milot, shtetasi E. M., duke drejtuar automjetin tip “Volkswagen”, ka humbur kontrollin dhe për pasojë automjeti është përplasur me bordurat në rrugë.
Nga aksidenti ka humbur jetën drejtuesi i automjetit, shtetasi E. M., banues në Kukës, si dhe është dëmtuar pasagjeri, shtetasi S. H., banues në Kukës, i cili është dërguar për mjekim në Spitalin e Traumës, Tiranë” njofton policia.
Grupi hetimor po punon për përcaktimin e shkaqeve të aksidentit.
